Министр «Крокустағы» шабуылды айыптап, Украинаның шабуылға қатысы жоқ екенін атап өтті.
Фото каллаж: slovoidilo.ua
Францияның Қорғаныс министрі Себастьян Лекорню өзінің ресейлік әріптесі Сергей Шойгуға 2022 жылдың қазан айынан бастап алғаш рет қоңырау шалды. Бұл туралы le monde басылымы жазды. Ал Ресей Қорғаныс министрлігі келіссөздер туралы хабарлаған жоқ, деп хабарлайды Sarbaz.kz тілшісі DW агенттігіне сілтеме жасап.
Лекорню Шойгумен сөйлескенде «Ислам мемлекетінің» содырлары жауапкершілікті өз мойнына алған «Крокус Сити Холлда» болған шабуылды айыптады. Францияның террористердің құрбаны болған марқұмдардың отбасыларына көңіл айтатындығын білдірді, деп хабарлады Франция Қорғаныс министрлігі.
Сонымен қатар министр Францияда бұл шабуыл мен Украина арасында байланыс орнатуға мүмкіндік беретін ақпарат жоқ екенін тағы да атап өтіп, Ресейді кез-келген айыптауды тоқтатуға шақырды.
«Министр сонымен қатар Ресейдің Украинада бастаған агрессивті соғысын сөзсіз айыптады және Франция Украинаны Еуропа континентіне бейбітшілік пен қауіпсіздік әкелу үшін бостандық пен егемендік үшін күресте қажет болғанша ұзақ және қарқынды қолдайтынын еске салды», - деп хабарлады француз ведомствосы.