Беларусь оппозициясы мен батыс елдері 2020 жылы осы елдегі сайлау бұрмаланған деп санайды
Фото: ВВС
Александр Лукашенко 2025 жылғы президенттік сайлауға қатысады. Бұл туралы ол журналистерге Минскідегі сайлау учаскелерінің бірінде парламент пен жергілікті кеңестерге дауыс беру кезінде мәлімдеді, деп хабарлайды Sarbaz.kz тілшісі ВВС агенттігіне сілтеме жасап.
«Мен барамын, барамын, барамын, оларға баратынымды жеткізіңіздер!» - деді Лукашенко. «Жағдай неғұрлым күрделі болса, олар (оппозициянерлер) біздің қоғамды да соғұрлым белсенді түрде қоздырады, соның ішінде сіздер де (журналистер) барсыздар. Мен бұл сайлауға жылдам қарқынмен барамын».
Лукашенко 30 жылдан бері билікті тізгіндеп отыр. Ол алғаш рет 1994 жылы президент сайлауында жеңіске жеткен болатын. 10 жылдан кейін Лукашенко президенттік сайлауға қатысу туралы Конституцияға енгізілген түзетулер туралы референдум өткізді.
Дауыс беру қорытындысы бойынша Лукашенко Мемлекет басшысы лауазымы үшін сайлауға шексіз қатысуға мүмкіндік алды. Президенттің алдағы сайлауы ол үшін жетінші рет болмақ.
Ал Беларусь оппозициясы мен батыс елдері 2020 жылы осы елдегі сайлау бұрмаланған деп санайды және оның нәтижелерін мойындамайды.