Газа халқының 25 пайызына аштық қаупі төніп тұр
Фото: Al Jazeera видеосынан скрин
Газа секторының ауруханаларында өткен тәулікте тоғыз бала аштықтан қайтыс болды. Бұл туралы Катардың Al Jazeera телеарнасы Палестина билігіне сілтеме жасап жариялады, деп хабарлайды Sarbaz.kz тілшісі.
Анклавтың солтүстігіндегі Камал Адван ауруханасында бір тәулікте жеті бала тамақтанбау салдарынан қайтыс болды. Тағы бірнеше адамның жағдайды ауыр. Ауруханада электр генераторларына арналған отынның таусылуына байланысты науқастарға күтім жасау қиындық тудырған.
Газа қаласындағы Аш-Шифа ауруханасында тағы екі бала аштықтан қайтыс болғанын хабарлады анклав Денсаулық сақтау министрлігі.
БҰҰ гуманитарлық мәселелерді үйлестіру басқармасының бейінді дирекциясының мәліметтері бойынша, Газаның 570 мыңнан астам тұрғыны аштықтың зардабын көріп отыр. Анклавтың солтүстігінде екі жасқа дейінгі әрбір алтыншы баладан дұрыс тамақтанбағандықтан, шаршау байқалады.