Sarbaz.kz

Халықаралық БАҚ-тың 55 қызметкері Израиль билігіне ашық хат жазып, барлық шетелдік журналистерді Газа секторына еркін әрі кедергісіз кіріп-шығуға қол жеткізуді қамтамасыз етуге шақырды, деп хабарлайды Sarbaz.kz тілшісі ВВС агенттігіне сілтеме жасап.

Хатқа британдық және американдық хабар таратушылардың тілшілері мен жүргізушілері, соның ішінде ВВС, Sky News, ITV, 4 Арна, ABC, CBS, NBC және CNN қызметкерлері қол қойды.

«Газа соғысы басталғаннан бері бес айға жуық уақыт өтсе де, шетелдік журналистер Израиль әскери күштерінің сүйемелдеуімен сирек кіргені болмаса, бұл аумаққа кіруге әлі де рұқсат беруден бас тартып отыр», - делінген хатта.

Израиль әскери күштері өздерінің қауіпсіздігі үшін Газа журналистерімен бірге жүретіндерін айтады. Бірақ бұл сапарлар қатаң бақыланады. Көбінесе БАҚ өкілдері ХАМАС содырлары қолданатын туннельдерді немесе қару-жарақ қоймаларын көрсету үшін өткізіледі.

«Қазіргі уақытта ХАМАС террористік ұйымына қарсы соғыс жүргізілуде. Журналистер қауіпсіз репортаж жасай алатындай етіп, біз оларды майдан даласында алып жүреміз», - делінген Израиль қорғаныс күштері өкілінің түсініктемесінде.

Хатта Египет билігінен Египет пен Газа секторының шекарасындағы «Рафах» бақылау-өткізу пунктіне кіруге рұқсат беру туралы да өтініш бар.

Хат мәтіні

Газа соғысы басталғаннан кейін бес айға жуық уақыт өтсе де, шетелдік журналистер Израиль әскери күштерінің сүйемелдеуімен сирек кіргені болмаса, бұл аймаққа кіруге әлі де рұқсат беруден бас тартып отыр. 

Біз Израиль мен Египет үкіметтерін барлық шетелдік БАҚ үшін Газаға еркін және кедергісіз кіруге рұқсат беруге шақырамыз. Біз Израиль үкіметін халықаралық журналистерге Газада жұмыс істеуге рұқсат беру туралы ашық мәлімдеуге шақырамыз, ал Египет билігін халықаралық журналистерге «Рафах» бақылау-өткізу пунктіне кіруге рұқсат беруге шақырамыз.

Газадағы оқиғалар бүкіл әлемде үлкен қызығушылық тудырып отыр және әзірге жалғыз репортаж сол жерде тұратын журналистерден келеді.

Жергілікті журналистердің қауіпсіздігін сақтау және олардың күш-жігерін халықаралық БАҚ өкілдерінің журналистік жұмысымен нығайту өте маңызды.

Аумақтағы қақтығысты жан-жақты ақпаратпен қамту қажеттілігінің де маңыздылығы зор.

Дүние жүзіндегі соғыс аймақтарында және бұған дейін де Газадағы әскери іс-қимылдар кезінде ондаған жылдар бойы тәжірибесі бар ұйымдарымыз қақтығыстар туралы жариялауға байланысты қандай тәуекелдер бар екенін жақсы түсінеді.