АҚШ Әділет министрлігіне биометриялық және геномдық деректерді, денсаулық, геолокация, қаржы және басқа да құпия деректерді қорғауды қамтамасыз ету тапсырылады
Фото: Reuters
АҚШ президенті Джо Байден америкалықтардың жеке деректерін Ресейге, ҚХР-ға, КХДР-ға, Иранға, Венесуэлаға және Кубаға беруге тыйым салу туралы атқарушы бұйрыққа қол қояды деп күтілуде. Бұл туралы Sarbaz.kz тілшісі The Hill-ге сілтеме жасап хабарлайды.
Осылайша, АҚШ Әділет министрлігіне биометриялық және геномдық деректерді, денсаулық, геолокация, қаржы және басқа да құпия деректерді қорғауды қамтамасыз ету тапсырылады.
Ақ үйдің өкілі бұл шешімнің қажеттілігін АҚШ барлау агенттіктері Американың қарсыластарының стратегиялық ресурс сияқты ақпаратқа деген қызығушылығының артып келе жатқанын атап өтті. Оның айтуынша, бұл – белсенділер, ғалымдар, журналистер, саяси қайраткерлер туралы деректерді жинайтын және осы деректерге қол жеткізу арқылы «киберкеңістіктегі зиянды әрекеттермен, тыңшылық пен бопсалаумен» айналысатын елдер.
«Компаниялардың шетелдік барлау қызметтерінің қолына түсуі мүмкін америкалықтар туралы деректерді сату мүмкіндігін болдырмау үшін Әділет министрлігі әкімшілікте алаңдаушылық туғызатын елдерге деректерді беру кезінде делдалдыққа тыйым салуды қарастыруда», - делінген хабарламада.