Sarbaz.kz

АҚШ-тың экс-президенті Дональд Трамп Оңтүстік Каролинадағы алғашқы сайлауда (праймеризде) жеңімпаз атанды. 2024 жылғы қарашадағы президент сайлауында Республикалық партияның атынан қатысу мүмкіндігі үшін күрестегі басты қарсыласы Никки Хейли Трамптан ұтылды. Бұл туралы американдық БАҚ экзитпол деректеріне сілтеме жасап жариялады, деп хабарлайды Sarbaz.kz тілшісі DW агенттігіне сілтеме жасап.

Өз штатындағы праймеризде жеңілгеніне қарамастан, Оңтүстік Каролинаның бұрынғы губернаторы Никки Хейли АҚШ-тағы президенттік сайлауда республикашылардың атынан өкілдік ету құқығы үшін күресті жалғастыратынын айтты.

AP хабарлауынша, Ақ үйдің бұрынғы басшысы Оңтүстік Каролинада 60,8 пайыз, ал АҚШ-тың БҰҰ жанындағы бұрынғы Тұрақты өкілі және бұрынғы штат губернаторы Никки Хейли 38,6 пайыз дауыс жинаған. Edison Research институтының мәліметі бойынша, Трампқа тиесілі дауыс – 60,2 пайыз, ал Хейлидікі 39,2 пайызды құрайды.

Сонымен қатар AR агенттігі және кейбір басқа бұқаралық ақпарат құралдары Трамптың сайлау учаскелері жабылғаннан кейін праймеризде жеңіске жеткенін жариялады.

Никки Хейли президенттік жарысты жалғастыруға ниетті

The New York Times газеті жазғандай, Никки Хейли күресті жалғастыруға уәде берді. Бірақ оның Оңтүстік Каролинада қарсыласының (Трамп – ред.)  алға озуы оған жарыстың іс жүзінде артта қалғанын білдіріп тұр.

Хейли Трампты праймериздегі жеңісімен құттықтап:

«Нәтиже маңызды емес. Мен біздің штаттағы адамдарды жақсы көремін», - деді.

Бұрынғы президент Колумбия штатының астанасындағы дауыс беру нәтижелеріндегі сөзінде қарсыласы (Хейли – ред) туралы ештеңе айтқан жоқ. Есесіне Трамп 5 қарашада демократтардың атынан сайлауға қатысатын АҚШ-тың қазіргі президенті Джо Байденнің көзіне тура қарап:  

«Джо, сен жұмыстан шықтың. Кет!» - деп айтатынына үміттенетінін жеткізді.

Трамптың кандидат мәртебесіне жету жолындағы жетістіктері

Ақпан айының басында Ақ үйдің бұрынғы басшысы Невада штатындағы партия жақтастарының жиналыстарында жеңіске жетті. Айтуынша, Трамптың басты қарсыласы – Никки Хейли дауыс алған жоқ, өйткені оның кандидатурасы тіпті талқыланбады. Сол кезде Хейли Республикалық шенеуніктер Невададағы праймериздер процесін экс-президенттің пайдасына бұрмалағанын айтты.

Невададағы жиналыстағы жеңісінің арқасында Трамп осы штаттан 26 делегаттың қолдауына ие болды. 6 ақпанда штатта өткен Республикалық партияның праймеризінде саясаткер қатысқан жоқ, ал Хейли «бәріне қарсы» графынан жеңіліп қалды. Демократиялық партияда 89 пайыз дауыс жинаған АҚШ-тың қазіргі президенті Байден жеңіске жетті.

Бұған дейін Трамп Айова штатында және Нью-Гэмпшир штатында өткен праймеризде де жеңіске жеткен болатын.

Дональд Трампты қылмыстық қудалау

Дональд Трамп – Америка Құрама Штаттарының 45-президенті. Елдің 250 жылға жуық тарихында ол қылмыстық іс бойынша айып тағылған алғашқы мемлекет басшысы болды.

Ақпан айының басында Вашингтондағы федералды апелляциялық сот Трампты оның жақтастарының Капитолийге шабуыл жасау ісінде қылмыстық қудалауға қарсы иммунитеттен бас тартты. Сот президенттік өкілеттіктер аяқталғаннан кейін Трамп қылмыстық қудалаудан қорғаудың жалпыға қол жетімді тәсілдерімен қарапайым азамат болды деп шешті.

Ақ үйдің бұрынғы басшысы кінәсін мойындамайды. Ол прокурорлардың бұл әрекеттерінде оның сайлау науқанына зиян келтіру үшін саяси астары бар деп айыптады. АҚШ президенті сайлауындағы республикалық кандидаттың аты шілде айында өтетін партия съезінде жарияланады.