Республикашыл сенатор АҚШ-тың одақтастарын сыртқа теппейтініне сендірді
Фото: Matthias Schrader/AP/picture alliance
Америкалық сенатор, республикашылдар өкілі Джеймс Дэвид Вэнс АҚШ президенті болып Дональд Трамп сайланған жағдайда НАТО-дағы одақтастарын Америка Құрама Штаттарының сыртқы агрессиядан қорғайтынына сенуге шақырды, деп хабарлайды Sarbaz.kz тілшісі DW агенттігіне сілтеме жасап.
«Әрине, НАТО-дағы одақтастарымызды құрметтейміз, бағалаймыз. Бірақ Еуропа қауіпсіздік мәселелерінде тәуелсіз болуы керек. Трамп осылай айтқысы келген», - деді ол журналистерге Мюнхендегі қауіпсіздік конференциясында.
Вэнс, әсіресе, Германияны өзінің Қарулы Күштеріне көбірек инвестиция салуға шақырды.
«Германия ЖІӨ бойынша әлемдегі бесінші ел болса, ал Ресей тіпті ондыққа да кірмейді. Сондықтан Германияға неге өз қауіпсіздігін жоғары қоятын ел болмасқа?» - деп қосты ол.
Жақында Дональд Трамп қорғанысқа аз ақша жұмсайтын НАТО-дағы одақтастарын Ресейден қорғамайтынын мәлімдеген болатын.