АҚШ президенті 2017 жылы қайтыс болған Германияның бұрынғы канцлері Гельмут Кольмен 2021 жылы сөйлескенін айтты
Фото: Kevin Lamarque/Reuters
АҚШ-тың қазіргі президенті Джо Байден еуропалық саясаткерлердің есімдерін тағы да шатастырды. Нью-Йорктегі іс-шарада ол 2017 жылы қайтыс болған Германияның бұрынғы канцлері Гельмут Кольмен 2021 жылы сөйлескенін айтты. Bloomberg Байденнің Кольді Германияның бұрынғы басшысы Ангела Меркельмен шатастыруы мүмкін екенін жазды, деп хабарлайды Sarbaz.kz тілшісі.
Агенттік атап өткендей, Байден 2021 жылы G7 саммитін меңзеп отыр. Германияның сол кездегі канцлері Меркель 2021 жылдың 6 қаңтарында АҚШ Капитолийіне жасалған шабуыл туралы айтып, Байденнен Ұлыбритания Премьер-министрінің сайлауын бұзу үшін қауымдар палатасына кіріп кетсе, оның реакциясы қандай болатынын сұраған.
Бұған дейін Байден 1996 жылы қайтыс болған Францияның бұрынғы президенті Франсуа Миттеранмен сөйлескенін айтқан болатын. Байден ол кезде Францияның қазіргі басшысы Эммануэль Макронмен Ұлыбританиядағы G7 саммиті аясында кездесуін меңзеген көрінеді.