Хакан Фидан: «Қара теңізде бейбітшілікті сақтау және оған қауіп төндіретін бастамалардың алдын алу – басты басымдықтарымыздың бірі»
Фото: TRT
Түркияның Сыртқы істер министрі Хакан Фидан Монтре бұғаздар конвенциясын қатаң түрде орындауды жалғастыратындарын айтты, деп хабарлайды Sarbaz.kz тілшісі TRT агенттігіне сілтеме жасап.
«Монтре конвенциясын жүзеге асырушы ретінде Қара теңізде бейбітшілікті сақтау және оған қауіп төндіретін бастамалардың алдын алу – басты басымдықтарымыздың бірі», - деді Фидан Ресей-Украина соғысы кезінде Қара теңіздегі шиеленістің күшеюіне назар аударып.
Бұл туралы Хакан Фидан Болгарияның бас қаласы Софияда вице-премьер және Сыртқы істер министрі Мария Габриэльмен кездесуінен кейін ұйымдастырылған баспасөз мәслихатында айтты.
Түркия, Болгария және Румыния арасында Қара теңізде минаға қарсы шаралар жұмыс тобының құрылуына байланысты келісімге риза болғандарын атап өтті. Фидан мұны аймақтық қауіпсіздік ынтымақтастығы үшін үлгі боларлық жағдай ретінде бағалайтынын білдірді. Ол жағалаудағы елдер ретінде мұны аймақтық меншік принципіне де, одақтастық рухына да сәйкес қадам ретінде қарастыратынын мәлімдеді.
«Монтре конвенциясын орындауды әрі қарай жалғастырамыз. Бұл мәселені талқылау былай тұрсын, бұл туралы ойлаудың да жөні жоқ», - деді Фидан.