Кеме Панама туының етегінде жүрген
Фото: t.me/SJTF_Odes
Қара теңізде Ресейдің теңіз минасынан Панама туының етегіндегі азаматтық кеме жарылды. Бұл туралы Украинаның оңтүстігіндегі қорғаныс күштері мәлім етті, деп хабарлайды Sarbaz.kz тілшісі.
Украина Қарулы күштерінің мәліметінше, Балкер астық тиеу үшін Дунай порттарының біріне бет алған. Жарылыс салдарынан жоғары палубада өрт шығып, кеме жүрісінен жаңылды. Құтқару қызметі экипажға көмек көрсетті.
Украинаның Қара теңіз порттарынан астық жеткізілімі тоқтатылған жағдайда, Дунай негізгі балама болып саналады.
«Кемені портқа жеткізу үшін буксирлер жіберілді», - делінген Украинаның оңтүстігіндегі қорғаныс күштері мәлімдемесінде.