ТҮБА төрағасы, профессор Музаффер Шекер 21-ғасырда әлемнің көз алдында орын алған басқыншылық, жер аудару сияқты оқиғалардың тарихта қалатынын мәлімдеді
Фото: TRT
Түркия Ғылым академиясы (ТҮБА) Израиль-ХАМАС қақтығысы орын алған аймақтағы соғыс қылмыстарын тіркеу үшін есеп дайындады, деп хабарлайды Sarbaz.kz тілшісі TRT-ге сілтеме жасап.
Баяндамада болашақ әлемді құру жолында еңбек етіп жүрген ғалымдардың қоғамдық және халықаралық оқиғаларға берген бағасының адамзат үшін маңыздылығына назар аударылып, ғалымдарға жасалатын шабуыл, қысым және мәжбүрлеу әрекеттерін еш қабылдамайтыны аталды.
ТҮБА төрағасы, профессор Музаффер Шекер басқыншылық кезінде отандарында өмір сүру үшін күрес жүргізіп жатқан Палестина халқына халықаралық деңгейде қолдау білдірген жеке тұлға мен ұйымдардың қысымға ұшырап, жауапқа тартылғанын айтты.
Шекер есепті Израильдің «геноцидтік» шабуылдарына қарап отыратын елдердің басшылары мен академиялық қауымның алдына қойып, кестені объективті түрде тарихқа жазбаша қалдыру үшін және оның қайталанбауы үшін дайындағандарын атап өтті. Сонымен қатар ол мәселені академиялық тұрғыдан қарастырудың адами парыз екеніне назар аударып, 21-ғасырда әлемнің көз алдында орын алған басқыншылық, жер аудару сияқты оқиғалардың тарихта қалатынын мәлімдеді.