Sarbaz.kz

Николас Мадуро режимі эссекибоға – Гайананың айтарлықтай мұнай қоры бар аймағына қатысты аумақтық талаптарды қайта бастады, деп хабарлайды Sarbaz.kz тілшісі golosameriki.com-ға сілтеме жасап.

Ұлыбритания тарапы жексенбіде әскери кемені Гайана суларына жіберетінін хабарлады. Бұл мәлімдеме Гайана мен Венесуэла арасындағы бұрыннан келе жатқан аумақтық дау қайта өршігеннен кейін жасалды.

«Ұлыбританияның HMS Trent патрульдік кемесі аймаққа айдың соңында келеді», - деді Ұлыбритания Қорғаныс министрлігі.

Николас Мадуроның Венесуэланың Гайана – Эссекибоның мұнайға бай аймағына деген талаптарын қайта жариялағаннан кейін шиеленістің күшеюі кезінде бұл хабарландыру жарияланды.

Желтоқсан айының басында ғана Гайана мен Венесуэла дауды шешу үшін күшке жүгінбейтіндіктерін мәлімдеген болатын.

Осы туралы бірінші болып жариялаған BBC бұл қадамның бұрынғы британдық колонияға дипломатиялық және әскери қолдау көрсетуге арналғанын хабарлады.

Ұлыбританияның Сыртқы істер министрі Дэвид Ратли айдың басында Гайанаға барып, егеменді шекараларды «құрметтеу керектігін» және Лондон «Гайананың аумақтық тұтастығын қамтамасыз ету үшін» халықаралық деңгейде жұмыс істейтінін мәлімдеген еді.

Мадуро Үкіметі 3 желтоқсанда даулы референдум өткізді. Онда сайлаушылардың 95 пайызы Венесуэланы Эссекибоның заңды иесі деп жариялау идеясын қолдаған.

Осыдан кейін Мадуро Эссекибо аумағында Венесуэла провинциясын құрудың заңды процедураларын бастап, мемлекеттік мұнай компаниясына аймақтағы мұнайды өндіруге лицензия беруді бұйырды.

Гайана президенті Ирфан Али бұл әрекеттерді «халықаралық бейбітшілік пен қауіпсіздікке үлкен қауіп» деп атады.