Екі ел арасындағы бұл байланыстар АҚШ 2023 жылдың ақпанында Қытай аэростатын өз аумағына құлатқаннан кейін үзілген
ҚХР Төрағасы Си Цзиньпиннің АҚШ президенті Джо Байденмен Сан-Францискодағы келіссөздері барысында екі ел арасындағы әскери байланыстарды қалпына келтіру туралы келісімге қол жеткізді, деп хабарлайды Sarbaz.kz тілшісі Синьхуа агенттігіне сілтеме жасап.
«Екі елдің мемлекет басшылары Қытай мен Америка Құрама Штаттары арасындағы әртүрлі салалардағы диалог пен ынтымақтастықты нығайтуға келісті. Атап айтқанда, теңдік пен құрмет негізінде екі қарулы күш арасындағы жоғары деңгейдегі байланысты қалпына келтіруге қол жеткізілді», - делінген агенттіктің хабарламасында.
Синьхуаның хабарлауынша, әскери байланыстар, сонымен қатар Қытай мен Америка Құрама Штаттарының Қорғаныс министрліктері өкілдерінің жұмыс кездесулерін, теңіздегі әскери қауіпсіздік бойынша кеңес беру механизмінің тараптар отырыстарын және әртүрлі деңгейдегі телефон келіссөздерін қамтиды.
Екі ел арасындағы бұл байланыстар АҚШ 2023 жылдың ақпанында Қытай аэростатын өз аумағына құлатқаннан кейін үзілген. Осыдан кейін америкалық әскери басшыларының қытайлық әріптестерімен телефон арқылы байланысуға бірнеше рет жасаған әрекеттерінен Қытай тарапы бас тартқан.