Танктен бөлек өзге де көптеген техникалар сатып алынбақ
Фото ашық дереккөзден
АҚШ Мемлекеттік департаменті Румынияға M1A2 Abrams негізгі жауынгерлік танктерін шамамен 2,53 миллиард долларға сату туралы келісімді мақұлдады, деп Қорғаныс және қауіпсіздік саласындағы ынтымақтастық агенттігі мәлімдеді, деп хабарлайды Sarbaz.kz.
DefenceNews басылымының мәліметіне сүйенсек, Румыния General Dynamics Land Systems шығарған 54 M1A2 SepV3 Abrams танктерін, 54 M1A1, төрт М88А2 Hercules жауынгерлік эвакуациялық машинасын, төрт М1110, төрт M1150 ABV минасыздандыру жауынгерлік машинасын сатып алғысы келеді.
Тапсырысқа сонымен қатар 54 дана 7,62 мм M240C оқшашары, 5 940 дана 120 мм М1147 және 4 230 дана 120 мм M1002 снарядтары және басқа да көптеген қосалқы жабдықтар кіреді.
Румынияның заң шығару органы ұлттық қорғаныс министрлігінің 2023 жылдың мамырында Америка Құрама Штаттарынан 54 пайдаланылған M1A2 Abrams танкін сатып алу туралы өтінішін мақұлдады. Жобаның құны 1 миллиард еуроға (1,1 миллиард доллар) бағаланған.
Румыния үкіметі Ресейдің Украинаға шабуылынан кейін жаңа бронды машиналарды, зымыран жүйелерін, әскери кемелерді, 155 мм гаубицаларды және F-35 Lightning II реактивті жойғыштарын сатып алуды жоспарлап отыр.
Польша үкіметі 2022 жылы 250 танк сатып алу үшін шамамен 5 миллиард долларлық келісімге қол қойып, 2023 жылдың қаңтарында тағы 1,4 миллиард долларға 116 Abrams-қа екінші тапсырыс берген. Румыния осыдан кейін Abrams танкінің Еуропадағы екінші операторы бола алады.