Бұл соққыны АҚШ-тың екі F-15 жойғышы жасап, қару-жарақ қоймасына тигізді
АҚШ қорғаныс министірі Ллойд Дж. Остин III-нің мәлімдемесінде екі F-15 жойғышы өзін-өзі қорғау мақсатында Ислам революциясының қорғаушылар корпусының және олармен байланысты топтардың қару-жарақ қоймаларына әуеден шабуыл жасағаны айтылды, деп хабарлайды Sarbaz.kz.
«Бүгін Президент Байденнің нұсқауы бойынша АҚШ қарулы күштері Сирияның шығысындағы Ислам революциясының қорғаушылар корпусы (ИРҚК) және онымен байланысты топтар қолданған нысанға қарсы өзін-өзі қорғау үшін соққы берді. Бұл соққыны АҚШ-тың екі F-15 жойғышы жасап, қару-жарақ қоймасына тигізді. Бұл жоғары дәлдіктегі өзін-өзі қорғау соққысы Ирак пен Сириядағы АҚШ қызметкерлеріне ИРҚК – Кудс бөлімшелері жасаған бірқатар шабуылдарға жауап болып саналады. Президент америкалық персоналдың қауіпсіздігінен басым ешнәрсе жоқ екенін және ол осы әрекетімен Америка Құрама Штаттарының өзін, қызметкерлерін және мүдделерін қорғайтынын жеткізді.
Америка Құрама Штаттары өз азаматтары мен нысандарын қорғау үшін ары қарай да қажетті шараларды қабылдауға дайын. Біз кез-келген шиеленістен аулақ болуға шақырамыз. Америкалық қызметкерлер Ирак пен Сириядағы содырларға қарсы миссияларды жалғастырады», - делінген мәлімдемеде.