Израиль қорғаныс армиясы Газа секторында жұмыс істейтін Құрлық әскерлерінің жұмысының кадрларын жариялады, деп хабарлайды Sarbaz.kz Times of Israel-ге сілтеме жасап.
Жарияланған кадрлар Газа секторында түнде және күндіз операция жасайтын жаяу әскерлердің, инженерлік әскерлер мен танктердің жұмысын көрсетеді.
Бір күн бұрын Израиль қорғаныс армиясы Газа секторындағы жердегі операцияның ауқымын кеңейтіп жатқаны белгілі болды. Бұл туралы Израиль әскерінің баспасөз қызметінің басшысы, бригадир Даниэль Хагари мәлімдеген болатын.
Сонымен қатар, Израиль бүгін түнде Газадағы 150 жерасты нысандарына әуе шабуылдарын жасады.