Sarbaz.kz

Әл-Ахли ауруханасындағы жарылыстан кейін Таяу Шығыс пен Солтүстік Африканың көптеген елдерінде Палестинаға қолдау көрсету шерулері өткізілді. Олардың кейбірі әлі де жалғасып жатыр, деп хабарлайды Sarbaz.kz тілшісі.

ВВС агенттігі хабарлағандай, Иорданиядағы Иордан өзенінің батыс жағалауындағы, Ливандағы Рамалла көшелеріне жүздеген адам митингке шықты.

Ливан астанасында мыңдаған наразылық білдіруші топ АҚШ елшілігінің алдына жиналып, елшілікті күзететін полициямен қақтығысып, Миссия қоршауына Палестина туын іліп қойды.

Дүниежүзілік агенттіктердің хабарлауынша, Америка елшілігіне барар жолда манифестанттарды ұстау үшін және тарату үшін полиция көзден жас ағызатын газ қолданған.

Кейбір наразылық білдірушілер Бейруттағы Франция елшілігіне жиналып, ғимаратқа тас лақтырған.

Бұрын Ливанда орналасқан «Хезболла» тобы сәрсенбі күні бүкіл аймақта ереуіл ұйымдастыруға шақырды.

Мыңдаған адамның наразылығы Түркияның астанасы Анкарада Израиль елшілігінің жанында өтті. Онда полиция наразылық білдірушілерді су атқыштармен таратты.

Тунисте наразылық білдірушілер Франция мен Ұлыбритания елшіліктерінің алдына жиналып, «Францияның өлімі!» және «Ұлыбританияның өлімі!» деп ұрандады. Бұл елдегі АҚШ елшілігі өткен аптада Израиль ХАМАС-қа қарсы соғыс жариялаған кезде жабылған.

Мұндай ереуілдер Еуропаның да бірқатар қалаларында өтті.

Бірнеше жүз адамның өмірін жалмаған Әл-Ахли ауруханасындағы жарылысқа ХАМАС Израильді айыптады. Алайда Израиль тарапы жарылысқа Палестинаның «Исламдық жиһад» тобы атқан зымыран себеп болды деп мәлімдеді.

«Біз барлық тиісті бөлімшелермен дереу тексеру жүргіздік», - деді журналистерге ЦАХАЛ өкілі, контр-адмирал Даниэль Хагари.

Оның айтуынша, сейсенбі күні жергілікті уақыт бойынша 18:15-те ауруханада жарылыс алдында ХАМАС Израильге зымырандар атқылаған. Сағат 18:59-да «Исламдық жиһад» жақын маңдағы зираттан шамамен 10 зымыраннан тұратын оқ атқан.

Сонымен қатар ЦАХАЛ өкілі Газа қалалық ауруханасында да жарылыс туралы хабарламалар келіп түскенін атап өтті.

Аурухананың схемасын көрсеткен Хагари журналистерге аурухана ғимаратына қатты зақым келмегенін айтты. Оның айтуынша, бұл жарылысқа дұрыс ұшырылмаған «Исламдық жиһадтың» зымыраны себеп болды.

Алайда Палестина Денсаулық сақтау министрлігінің өкілі сәрсенбі күні таңертең құтқарушылар әлі де мәйіттерді үйінділердің астынан шығарып жатқанын айтты.

Израиль әскері сәрсенбі күні Газа қаласынан кеткен палестиналықтарға гуманитарлық көмек көрсетілетінін айтқан. Бірақ нақты қандай көмек және қалай көрсетілетіні айтылмаған, деп жазды Reuters.

Жүздеген адам құрбан болған ауруханаға соққы бергеннен кейін келесі күні интернетте жарияланған жаңа эвакуация туралы хабарламада Израиль әскери күштері Газа қаласынан оңтүстікке қарай 28 км жерде әл-Мауасиде гуманитарлық аймақ бар деп мәлімдеді.

«Әл-Мауаси – халықаралық гуманитарлық көмек қажет болған жағдайда берілетін орын», - делінген ЦАХАЛ хабарламасында.

Ауруханаға жасалған соққы АҚШ президентінің Израильге сапары қарсаңында болғандықтан, әлемнің кейбір елдері Джозеф Байденді айыптады. Ресей мен БАӘ БҰҰ Қауіпсіздік Кеңесінің отырысын өткізуді талап етті.

АҚШ президені Джо Байден де, БҰҰ Бас хатшысы Антонио Гутерриш те бұл оқиғаға ешбір тарапты айыптамады.

Антонио Гутерриш гуманитарлық себептерге байланысты Газадағы атысты дереу тоқтатуға шақырды.

ҚХР Төрағасы Си Цзиньпин мен Ресей президенті Владимир Путин қатысқан Бейжіңдегі форумда сөйлеген сөзінде Гутерриш Таяу Шығыстағы жағдай туралы да айтты.

«Мен адамдардың қайғы-қасіретін жеңілдету үшін дереу гуманитарлық атысты тоқтатуға шақырамын. Тым көп өмір қиылды және бүкіл аймақтың тағдыры қыл үстінде тұр», - деді БҰҰ Бас хатшысы.

Бұған дейін Гутерриш Х желісінде (бұрынғы Twitter) жүздеген бейбіт тұрғынның өмірін жалмаған Әл-Ахли ауруханасының соққысын қатты айыптайтынын жазды. Бірақ Гутерриш тараптардың ешқайсысын айыптаған жоқ.

Ал халықаралық Қызыл крест комитеті Газадағы Әл-Ахли ауруханасына соққы туралы хабардан қабырғалары қайысып отырғандарын хабарлады.

«Ауруханалар соққы жасайтын орын емес, адам өмірін сақтайтын пана болуы керек. Аурухана төсегінде жатқан адамдарды өлтіруге болмайды. Дәрігерлер басқаларды құтқару үшін өлуге тиіс емес. Ауруханалар халықаралық гуманитарлық құқықтың қорғауында болуы керек», - делінген Қызыл Крест мәлімдемесінде.