Олар «Бейбіт тұрғындарды қорғау» халықаралық курсының барысымен танысты
Фото: Қорғаныс министрлігі
Алматыға подполковник Жером Пике бастаған Француз Республикасы Қарулы күштерінің делегациясы келді. Бұл туралы Sarbaz.kz тілшісі Қорғаныс министрлігінің баспасөз қызметіне сілтеме жасап хабарлайды.
Шетелдік қонақтар «Бейбіт тұрғындарды қорғау» халықаралық курсының барысымен танысты, одан бөлек бітімгерлік және тілдік дайындық сабақтарына да қатысты.
Орталықтағы жоспарлау және талдау басқармасының бастығы подполковник Темірлан Мұсәпіров оларға ҚР Қорғаныс министрлігі қосымша білім беру мекемесінің қызметі мен даму перспективалары жөнінде айтып берді.
Өз кезегінде француз делегациясының басшысы подполковник Жером Пике де орталықтың бітімгерлік әлеуетті арттыруға қосқан үлесіне тоқталды.
Тараптар екі елдің осы бағыттағы күш-жігердің маңыздылығын атап өтті.