Тыйым салынған діни әдебиеттерді әкелгені үшін 19 шетелдік жауапқа тартылды
Фото: ҰҚК
ҰҚК жыл басынан бері Қазақстанда 1 террорлық шабуылдың алдын алғанын, 26 адам террористік және экстремистік қызметі үшін сотталғанын мәлімдеді, деп хабарлайды Sarbaz.kz.
Ведомство мәліметінше, экстремизм мен терроризмге қатысы бар 151 шетелдік азаматтың елге кіруіне жол берілмеді. Республикаға тыйым салынған діни әдебиеттерді әкелгені үшін 19 шетелдік жауапқа тартылды.
«Сондай-ақ 356 терроризмге қарсы оқу іс-шаралары өткізілді.
ІІМ және ҰҚК күштерімен террористік тұрғыдан осал объектілерді, оның ішінде адамдар көп жиналатын орындарды 3 мыңнан астам тексеру жүзеге асырылды», – делінген хабарламада.