Германияның СІМ басшысы Украинаның біраз жерінде ауыр жағдай қалыптасқанын айтты
Фото: wikimedia
Германияның сыртқы істер министрі Аннален Бербок Украинаның әуе қорғанысына халықаралық қолдау көрсету мәселесін көтерді. Бұл туралы Sarbaz.kz тілшісі Bild басылымына сілтеме жасап хабарлайды.
Оның айтуынша, Ресей армиясы жаппай шабуыл жасап жатқан Харьков облысында ғана емес, Украинаның басқа да көптеген жерлерінде ауыр жағдай қалыптасқан.
«Біз Украинаның, әсіресе әуе қорғанысы тұрғысынан, одан әрі қолдауға қаншалықты мұқтаж екенін анық көріп отырмыз», - деді Бербок Страсбургте Еуропа Кеңесі Министрлер комитетінің отырысы алдында.