Ата-анасына 5 мың АЕК айыппұл салынды
Фото: EMS Productions/Getty Images
Терроризм туралы қалжыңдаған баланың ата-анасы 5 мың АЕК көлемінде айыппұл төлейтін болды. 8-сынып оқушысы сыныптасының телефонынан 102 пультіне қоңырау шалып, лаңкестік әрекет туралы айтқан, деп хабарлайды Sarbaz.kz ҚР Терроризмге қарсы орталығына сілтеме жасап.
1 АЕК = 3 692 теңге.
3 692 * 5 000 = 18 460 000 теңге.
«Аталған факті бойынша жалған хабарлама белгілерінің болуын ескере отырып, полиция қызметкерлері аты-жөні белгісіз тұлғаны анықтау мақсатында бірқатар жедел-іздестіру шараларын жүргізді», - делінген хабарламада.
Абоненттік нөмірді пайдаланушы Ақмола облысындағы аудан мектептерінің бірінің 8-сынып оқушысы болып шықты. Бірақ телефоннан өзі емес, оның сыныптасы хабарласқан болып шықты.
Кәмелетке толмаған баланың іс-әрекетінің нәтижесінде ҚР ҚК 273-бабына сәйкес баланың ата-аналарына (терроризм актісі туралы көрінеу жалған хабарлама) балаларды тәрбиелеу жөнінде тиісті шаралар қолданбағаны үшін 5000 АЕК мөлшерінде әкімшілік айыппұл салынады.