Макрон ақпан айында Украинаға көмекке әскер жіберуі мүмкін екенін айтқан
Фото: ED ALCOCK / MYOP
Франция президенті Эммануэль Макрон екі ай бұрын Украинаға Франция әскерін жіберу туралы ойы әлі де бар екенін, ол ойынан бас тартпағанын мәлімдеді. Бұл туралы Sarbaz.kz тілшісі BBC агенттігіне сілтеме жасап хабарлайды.
«Осыған дейін айтқанымдай, мен ешнәрсені жоққа шығармаймын. Өйткені біз қарсы тұрғандар да ешнәрсені жоққа шығармайды. Егер ресейліктер майданды бұзып өтіп, ал Украинадан өтініш болса – осы заңды сұрақты өзімізге қоюымызға тура келеді. Менің ойымша, бұл мүмкіндікті түбегейлі жоққа шығару соңғы екі жылдан сабақ алмау болып есептеледі», - деді Макрон Economist журналына берген сұхбатында.
Макрон осыған дейін БАҚ өкілдеріне айтқан сөзін тағы да қайталады: оның пікірінше, еуропалықтар Ресейге өз қабілетін көрсетпеуі тиіс.
Франция президентінің пікірінше, әскер жіберу мүмкіндігі туралы ақпан айындағы мәлімдемесіне Мәскеудің реакциясы оның дұрыс екенін растайды.
«Менің ескертулеріме ресейлік реакцияның агрессивтілігі олардың күткен нәтиже бергенін көрсетті. Яғни олар: егер сіздер тоқтамасаңыздар, біз тоқтаймыз деп ойламаңыздар», - деп түсіндірді Франция президенті.