Күдікті қолға түсті
Фото: AFP / SCANPIX
Украина мен Польшаның арнайы қызметтері Украина президентіне қастандық жасаудың алдын алғандарын мәлімдеді. Бұл туралы Sarbaz.kz тілшісі Euronews агенттігіне сілтеме жасап хабарлайды.
Украина қауіпсіздік қызметі мен Польшаның арнайы қызметі Украина президенті Владимир Зеленскийге қастандық жасамақ болды деп айыпталған Польша тұрғынын ұстады.
Украина қауіпсіздік қызметінің мәлімдемесі бойынша, күдіктінің ойы Польшадағы Жешув-Ясенка әуежайының қауіпсіздігі туралы ақпаратты жинап, Ресейге беру болған, яғни Украина басшысының Польшаға сапары кезінде тұтқиылдан шабуыл жасалуы тиіс еді.
Польша прокуратурасы жергілікті тұрғынды шетелдік арнаулы қызметтің мүддесі үшін қызмет етуге дайын деп айыптады. Ол алты айдан сегіз жылға дейін бас бостандығынан айырылуы мүмкін.