Түскен қар массасының көлемі 5000 текше метрді құрады
Фото: gov.kz
Алматының Бостандық ауданында өздігінен қар көшкіні жүрді. Бұл туралы ҚР ТЖМ баспасөз қызметі мәлім етті, деп хабарлайды Sarbaz.kz.
«Түскен қар массасының көлемі 5000 текше метрді құрады. Абырой болғанда, зардап шеккендер мен қираған нысандар болған жоқ», - делінеді ТЖМ хабарламасында.
Төтенше жағдайлар министрлігі өңірде көшкін қаупі сақталатынын, сондай-ақ азаматтарды таулы жерлерге бармауға шақырды.