Ол өз сөзінде болған істі жақсы түсінетінін айтып өтті
Фото: Youtube / Tengri TV/ Видеодан скриншот
Экс-министр Қуандық Бишімбаев сот отырысында Салтанат Нүкенованың туыстарынан кешірім сұрады, деп хабарлайды Sarbaz.kz.
«Шынымды айтсам, бірнәрсе айтуым қиындау. Ең бірінші ешнәрседен дәметпей, кешірім сұрағым келеді. Бұл – менің адамдық борышым. Мына жерде жәбірленушілер, оның туыстары, ата-анасы, оны жақсы көретін адамдар отыр. Шынымды айтсам, бастапқыда оның өлімін ой-санамнан өткізу қиын болды», - дейді Бишімбаев.
Ол өз сөзінде болған істі жақсы түсінетінін айтып өтті.
«Кешірім сұрағым келеді. Мен ешқандай кешірімнен үміттенбеймін. Бұл – менің ішкі міндетім, жан-дүниемнің үндеуі. Мен бұл істің салмағын жақсы сезінемін және оған қатысым бар екенін түсінемін. Бірінші міне осыны айтқым келеді», - деді Қуандық Бишімбаев.