Қазақстан әскері Орталық Азияда үздік деп танылды
Фото: Ақорда
Қазақстан Global Firepower-2024 әскери күшінің дүниежүзілік рейтингінде бес орынға көтерілді. 2023 жылы Қазақстан 63-орынға ие болған, деп хабарлайды Sarbaz.kz тілшісі .
Сарапшылар 145 елді 60 түрлі фактор бойынша бағалады: әскери бөлімшелер саны, қаржылық жағдайы, технологиялық дамуы, географиялық орналасуы және ұтқырлығы және т.б.
Қазақстан тізімде 58-орынға тұрақтап, Орталық Азияда үздік деп танылды. Қорғаныс шығындары 7,5 миллиард АҚШ долларын құрады. Әскери персоналдың жалпы саны – 300 мың адам.
Өзбекстан – 65-орында. Қырғызстан – 100-орында, Тәжікстан 107-орынға жайғасты.
Айта кетейік, әскери күші ең жоғары үш елге АҚШ, Ресей және Қытай кірді. Рейтингтің ең соңын Бутан мемлекеті түйіндеді.