Қарудың заңсыз айналымына қарсы күрес бойынша іс-шаралар жалғасуда
Ұлттық қауіпсіздік комитеті полиция және прокуратура органдарымен бірлесіп, 2023 жылы заңсыз айналымнан, соның ішінде «қаңтар оқиғалары» кезінде ұрланған қаруды іздеу және алу бойынша бірқатар жедел-іздестіру іс-шараларын өткізді. Бұл туралы Sarbaz.kz ҚР ҰҚК баспасөз қызметіне сілтеме жасап хабарлайды.
Қорытындысы бойынша қарудың заңсыз айналымының 14 арнасы және оны қолдан жасау бойынша 7 цех жойылды.
51 Калашников автоматы, 192 мылтық, 165 тапанша, 45 граната, 2 гранатомет, 4 дана снаряд пен миналар, 7 жарылғыш құрылғылар және әртүрлі калибрдегі 36 870 патрон тәркіленді.
Қарудың заңсыз айналымына қарсы күрес бойынша іс-шаралар жалғасуда.