Оқу жылы «Айбынды армия – Тәуелсіздік кепілі» атты жауынгерлік ұранымен басталды
Фото: Думан Құрманғалиев
Қыстың алғашқы аптасында Қарулы Күштерде жаңа оқу кезеңі басталды. Приозерск гарнизонында орналасқан 06708 әскери бөліміне дабыл беріліп, әскери қызметшілер бөлімнің саптық алаңына жиналды, деп хабарлайды Sarbaz.kz.
Бөлімнің барлық санаттағы әскери қызметшілердің кенеттен берілген дабыл бойынша бөлімге келуін, әрі қарай жауынгерлік даярлықты ұйымдастыруы «Астана» өңірлік қолбасшылық әскерлеріне 06708 әскери бөлімінің командирі подполковник Жасұлан Абековтің жіті бақылауында болды, делінген Приозерск гарнизоны таратқан хабарламада.
Оқу жылының айдары «Айбынды армия – Тәуелсіздік кепілі» атты жауынгерлік ұранымен басталды. Бұл ұран барлық санаттағы әскери қызметшілерге тың серпін беретіні анық. Жуырда ғана әскери ант берген жас сарбаздар да жауынгерлік дабыл мен оның барысындағы даярлықтан тыс қалмады.