Көлік құралдарының өртену себептері айтылды
Фото ашық дереккөзден
Елімізде жыл сайын орташа есеппен 2 мыңға жуық көліктен өрт шығады, деп хабарлайды Sarbaz.kz.
Тек 2023 жылдың 10 айында көліктерде 1 811 өрт орын алды. 2022 жылдың ұқсас кезеңімен салыстырғанда өрттер саны 14%-ға азайды (2022 ж. – 2 118). ҚР ТЖМ хабарлауынша бұл өрттердің негізгі үлесі жеңіл көлікте, бұл 1 392 жағдай немесе көліктегі өрттердің жалпы санының 77%.
Көлік құралдарындағы өрттердің жалпы санының 15-20%-ын құрайды және соңғы жылдары ішінде тұрғын үй секторы объектілерінен кейін жиілігі бойынша тұрақты екінші орынды алады.
Көлік құралдарының өртену себептері:
автокөлік құралының электр жабдығын орнату және пайдалану қағидаларын бұзу; қолдан жасалған газ жабдығын орнату; отын және электр жүйесінің істен шығуы; қозғалтқыштарды ашық от көздерімен жылыту; қасақана өртеу.Көлік құралдарында өрттердің туындауының алдын алу олардың туындау себептерін болдырмауға бағытталуы тиіс. Автокөлік иелеріне өрт қауіпсіздігі шараларын сақтауды және қолында жарамды өрт сөндіргішті ұстауды ұсынамыз.