Израиль Сыртқы істер министрлігінің өкілі жауап берді
Фото ашық дереккөзден
Израиль Сыртқы істер министрлігі Еуразия және Балқан мәселелері жөніндегі бас директорының орынбасары Симона Гальперин Астанадағы бирифингіде Газа шайқасында ядролық қару қолдану ықтималдығы туралы пікір білдірді. Бұл туралы Sarbaz.kz тілшісі Kazinform агенттігіне сілтеме жасап хабарлайды.
«Израиль ХАМАС-пен шайқас ушығып жатса, ядролық қару қолдануы мүмкін деген мәліметтер шығып жатыр. Шынымен де ядролық соғыстың табалдырығында тұрмыз ба?», - деп сұрады БАҚ өкілі.
Израиль СІМ өкілі ол мәліметті теріске шығарды.
«Жай ғана «жоқ» деу аз болатын шығар. Ешқашан ондай болмайды. Ондай сөзді айтқан адам қазір мемлекетте отырған жоқ... Премьер-министр де, оның адамдары да... Бұл өте айқын, тура жауап деп ойлаймын. Израиль халықаралық заң бойынша жұмыс істейтін ел екенін айттым», - деді Симона Гальперин.