Taurus зымырандары Украинаға жақын арада жеткізілуі екіталай
Фото: SAAB
Германия заң шығарушы органы «Христиан демократтары» ұсынысына қарсы дауыс берді, оған «Taurus» қанатты зымырандарын Украинаға жеткізу туралы тұжырым кірді. Бұл туралы Sarbaz.kz тілшісі Politico-ға сілтеме жасап хабарлайды.
Дауыс беруге қарамастан, «Таурустарды» Украинаға жеткізу туралы түпкілікті шешімді Германияның Федералды қауіпсіздік кеңесінің төрағасы, Германия канцлері Олаф Шольц қабылдайды. Алайда Франция, Ұлыбритания және АҚШ көптеген оқ-дәрі жібергеніне қарамастан, канцлер Украинаға «Taurus» жеткізу туралы ұсынысқа қарсылық білдірді.
«Taurus» – ұшақтан ұшырылатын швед-неміс қанатты зымыраны. Ұшу қашықтығы – 500 км.
Сейсенбі күні Франция президенті Эммануэль Макрон Taurus-қа ұқсас қосымша 40 SCALP-EG қанатты зымыранды қамтитын Украинаға көмек пакетін жариялады.