Қайғылы оқиға 5 қараша күні болған
Фото: AFP
Буркина-Фасо еліндегі Заонго ауылына жасалған шабуылда кем дегенде 70 адам қаза болды. Олардың басым бөлігі – балалар мен қарттар. Бұл туралы Sarbaz.kz тілшісі Dw.com басылымына сілтеме жасап хабарлайды.
Қайғылы оқиға 5 қараша күні болған. Елдің солтүстік бөлігіндегі елді мекенге нақты кім шабуыл жасағаны әлі белгісіз. Еуропалық Одақ пен АҚШ билігі Буркина-Фасо үкіметін шабуылдың барлық жағдайларын анықтау мақсатында тергеуге шақырды. Жергілікті тұрғындардың бірі бұл шабуыл аймақтағы қауіпсіздік күштері мен террористер арасындағы шайқастан екі күн өткен соң болғанын айтты.
Буркина-Фасо-өткен жылы екі әскери төңкеріс болған әлемдегі жағдайы төмен мемлекеттердің бірі. 2015 жылдан бері шабуылдардан барлығы 17 мыңнан астам адам қаза тауып, екі миллион адам үйін тастап кетуге мәжбүр болған.