Садыр Жапаров Өзбекстан президентіне алғыс білдірді
Фото: Қырғызстан президентінің баспасөз қызметі
Қырғызстанның әскери-әуе кемелерінің паркі екі жауынгерлік тікұшақпен толықтырылды. Әуе кемелері Өзбекстаннан жеткізілді. Бұл туралы елдің президенті Садыр Жапаров мәлім етті. Бұл туралы Sarbaz.kz тілшісі Sputnik.kg-ға сілтеме жасап хабарлайды.
2021 жылы Қырғызстанға Өзбекстан Республикасынан өтеусіз көмек ретінде Ми-8МТВ тікұшағы берілді. Ал Қырғызстан Өзбекстанға күрделі жөндеуден өткізу үшін өзге Ми-8МТВ тікұшағын тапсырды.
Жақында Өзбекстанның тиісті құрылымдары тікұшақтың толық жөнделгенін және жабдықталғанын хабарлады. Қырғызстан Қорғаныс министрлігінің мамандары әуе кемесін қабылдап, оны Чирчик-Ош, Ош-Бішкек бағыты бойынша жеткізіп, жұмыс істеуге толық дайын екенін хабарлады.
«Мұның бәрі, әрине Өзбекстан президенті, құрметті Шавкат Мирзиеевтің қолдауымен және бақылауымен мүмкін болды. Осыған байланысты Шавкат Миромоновичке алғысымды білдіремін», — деп жазды Жапаров.