Sq 321 рейсінде 211 жолаушы мен 18 экипаж мүшесі болды
Лондоннан Сингапурға ұшып, қатты турбуленттілікке ұшыраған Singapore Airlines ұшағында бір адам қаза тауып, тағы бірнеше адам жарақат алды, деп хабарлайды Sarbaz.kz тілшісі ВВС агенттігіне сілтеме жасап.
Boeing 777-300ER лайнері Бангкокқа бағытталып, жергілікті уақыт бойынша сағат 15:45-те қонды.
«SQ 321 рейсінде 211 жолаушы мен 18 экипаж мүшесі болды», – делінген әуе компаниясының мәлімдемесінде.
Компания марқұмның отбасына қайғырып көңіл айтты.
«Компания Таиланд билігімен жолаушыларға медициналық көмек көрсетуде ынтымақтасады және Бангкокқа кез келген қажетті қосымша көмек көрсету үшін команда жібереді», – делінген хабарламада.
Таиланд билігі Суварнабхуми әуежайына жедел жәрдем көліктері мен құтқару бригадаларын жіберді.
«Үкімет жолаушылар мен олардың отбасыларына көмек көрсетеді», – деп мәлімдеді Сингапурдың көлік министрі Чи Хонг Тат. «Мен Лондондағы Хитроудан Сингапурға Singapore Airlines авиакомпаниясының SQ321 рейсіндегі оқиға туралы естігенде қатты қайғырдым», – деп жазды ол Facebook-те.
Лайнердің бортында нақты не болғаны әлі белгісіз.
Ұшудағы турбуленттілік жиі кездеседі және әдетте алаңдаушылық туғызбайды. Алайда адам өлімімен аяқталатын ауыр оқиғалар өте сирек кездеседі.
Кейде турбуленттілік аймақтарын болжауға болады, ал турбулентті аймаққа түскен лайнерлердің ұшқыштары басқа ұшақтардағы әріптестеріне оның қай жерде екенін ескертеді.
Алайда кейде турбуленттілік кенеттен пайда болады және экипаж оған дайын болмауы мүмкін.
