Вашингтон Бейжіңді Ресейге қару-жарақ үшін маңызды компоненттерді экспорттады деп айыптады
АҚШ Бейжіңге Ресейдің әскери өндірісін қолдауды шектеу үшін кейбір Қытай банктерін жаһандық қаржы жүйесінен алып тастайтын санкциялар әзірлеуде. Бұл туралы The Wall Street Journal газеті жариялады, деп хабарлайды Sarbaz.kz тілшісі.
АҚШ-тың ресми тұлғалары егер дипломатиялық әрекеттер Қытайды Ресейге қосарлы және әскери тауарлардың экспортын шектеуге көндіре алмаса, Қытай банктеріне қарсы санкциялар енгізу қарастырылатынын мәлімдеді.
«ҚХР банктерін долларға қол жеткізуден айыру соңғы шара ретінде аталды. Өйткені мұндай санкциялар көбінесе несиелік ұйымдардың банкроттығына әкеледі», - деп атап өтті WSJ. «Бұл шара экономиканың баяулауы мен қарыздың өсуі аясында Қытай үшін ерекше қауіп», - деп жалғастырады басылым.
Қытайдағы, Біріккен Араб Әмірліктеріндегі және Түркиядағы бірнеше банк наурыз айында санкцияларды орындау талаптарын күшейтті.
«Бұл Мәскеуге ақша аударымдарының кешігуіне немесе бас тартуына әкелді», - деп хабарлады Reuters. «Бұл АҚШ-тың шектеулері күшті жанама әсер етуі мүмкін екенін көрсетеді», - деп атап өтті агенттік.
