Беньямин Нетаньяху Газа секторынан Израильге қауіп сейілмейінше ХАМАС-ты жою жалғасатынын мәлімдеді
Израиль қорғаныс армиясы Газа секторындағы алты айлық әскери қимыл кезінде ЕО мен АҚШ-та террористік ұйым деп танылған радикалды исламшыл ХАМАС қозғалысының 24 батальонының 19-н жойды. Бұл туралы елдің премьер-министрі Беньямин Нетаньяху Израиль Каирдегі Газа секторындағы атысты тоқтату туралы келіссөздерге Израиль делегациясының қатысуы туралы талқыланған министрлер кабинетінің отырысында айтты, деп хабарлайды Sarbaz.kz тілшісі DW агенттігіне сілтеме жасап.
«Біздің жетістіктеріміз зор. Біз аға командирлерді қосқанда ХАМАС-тың 24 батальонының 19-н жойдық. Біз ХАМАС террористерінің көзін жойдық, жараладық немесе оларды тұтқынға алдық. Сонымен қатар олардың зымыран шығаратын зауыттарын, қару-жарақ пен оқ-дәрі қоймаларын жойдық», - деп келтірді израильдік Ynet агенттігі премьер-министрдің сөзін.
Нетаньяху ЦАХАЛ Газа секторы Израильге қауіп төндіруін тоқтатпайынша ХАМАС-ты жоюды жалғастыратынын айтты. Премьер-министр сонымен қатар ХАМАС-тың тұтқынындағы 133 кепілге алынған израильдікті қайтармайынша атыстың тоқтатылмайтынын атап өтті.
Газа секторындағы атысты тоқтату және ХАМАС тұтқындаған кепілге алынған адамдарды Израиль түрмелеріндегі палестиналықтарға айырбастау туралы кезекті келіссөздер Каирде 7 сәуірде басталды. Израиль мен ХАМАС бұл келіссөздерді АҚШ, Египет және Катардың делдалдығы арқылы жүргізеді.
