Әлем бойынша әскери қақтығыстардан экономикаға 17,5 трлн шығын келді
2024 жылы дүниежүзі бойынша 100-ден астам белсенді және болуы ықтимал қарулы қақтығыс болып жатыр. Оларға әлемдегі барлық мемлекеттердің жартысына жуығы, яғни 193 елдің 91-і тікелей немесе жанама түрде қатысуда, деп хабарлайды Sarbaz.kz «Настоящее время» телеарнасына сілтеме жасай отырып.
Қарулы қақтығыстардың құрбандары бойынша 2022 мен 2023 жыл Руандадағы азаматтық соғыстан бері рекордтық көрсеткішке жетті. Бұл сандарға негізгі үлесті Украина мен Эфиопиядағы соғыстар қосты, - делінген сюжетте.
Соғыс шығындары да өсуде. Global Peace Index есебіне сәйкаес, әлем бойынша әскери қақтығыстардан экономикаға 17,5 трлн шығын келді.
Бұл әлемдік ЖІӨ-нің 13 пайызына тең. Салыстыру үшін айта кетейік, бұл Қытай экономикасымен (17,7 трлн доллар) шамалас. Ал Германия экономикасынан (4,5 трлн доллар) 4 есеге жуық, Жапония экономикасынан (4,2 трлн доллар) 4 еседен астам, Қазақстан экономикасынан (261,4 млрд доллар) 67 еседей көп.
