Вашингтон Киевке шамамен 2,6 миллиард доллар гуманитарлық көмек көрсетті
Украина 2022 жылдың ақпанынан бастап АҚШ-тан 66,2 миллиард доллар көлемінде қаржылай көмек алды. Бұл Екінші дүниежүзілік соғыстан кейінгі Вашингтоннан ең үлкен қолдау алған ел болды. Мұндай тұжырымды The Washington Post ресми деректерге сілтеме жасап мәлімдеді, деп хабарлайды Sarbaz.kz.
Басылымның мәліметінше, көрсетілген соманың 43,1 млрд доллары әскери көмекке, оның ішінде 23,5 млрд доллорға Пентагон қоймаларынан қару-жарақ пен техника жеткізді. Украинаның қауіпсіздігіне жәрдемдесу бастамасы аясында украиналық әскери қызметшілерді қосымша қаруландыруға, оқытуға, кеңес беруге, логистика мен жабдыққа инвестициялауға қажетті қаржыландыруға тағы 18 миллиард доллар бөлінді.
Сонымен қатар, Вашингтон Киевке шамамен 20,5 миллиард доллор экономикалық қолдау және 2,6 миллиард доллар гуманитарлық көмек көрсетті.
Өткен аптада Украинаның премьер-министрі Денис Шмыгал 2023 жылы Украина батыстан 28 миллиард доллар қаржы көмегін алғанын айтты. Сондай-ақ бұған дейін Украина жоғарғы радасының депутаты Ярослав Железняк шілде айында Украина бюджетіне 5 миллиард доллардан астам көмек түскенін хабарлады.
