Нигер билігі АҚШ әскери күштері терроризммен күресу үшін елде болған АҚШ әскери келісімінің бұзылғанын жариялады
Нигердегі биліктегі әскерилер АҚШ контингентіне елде болуға мүмкіндік беретін АҚШ-пен келісімді бұзды, деп хабарлайды Reuters.
Шешім жақын уақытта күшіне енеді. Нигер хунтасы АҚШ шенеуніктерінің сапарынан кейін осындай шешім қабылдады. Делегацияны Африка істері жөніндегі мемлекеттік хатшының көмекшісі Молли Пхи және АҚШ Африка қолбасшылығының қолбасшысы, генерал Майкл Лэнгли басқарды.
Reuters агенттігінің хабарлауынша, былтырғы жағдай бойынша Нигерде шамамен 1100 америкалық әскер болған. АҚШ әскери күштері екі базаны, соның ішінде дрондар базасын пайдаланды. Ол Нигердің орталық бөлігіндегі Агадес қаласының маңында орналасқан және құны 100 миллион доллардан асады.
Нигердің географиялық жағдайы, Қарулы Күштердің салыстырмалы жауынгерлік қабілеті және Батыс елдерімен жұмыс істеуге дайын болуы оны АҚШ-тың терроризмге қарсы негізгі серіктесіне айналдыруға көмектесті, деп жазған еді Foreign Policy журналы 2017 жылы.
Нигер – АҚШ аймақта барлау және бақылау рейстерін жүргізетін маңызды орталық. Олар әскерге көрші Мали мен Буркина-Фасо сияқты елдердегі зорлық-зомбылық, экстремистік әрекеттерді бақылауға мүмкіндік береді.
Айта кетейік, 2023 жылдың шілдесінде әскери топ Нигерде төңкерісті ұйымдастырып, сайланған президент Мұхаммед Базумды биліктен алып тастады. Көтерілісшілердің жетекшісі және Президент гвардиясының бұрынғы басшысы Абдурахман Чиани әскери әрекетті сыбайлас жемқорлық пен кедейлікпен күресу ниетімен түсіндірді.
АҚШ пен Еуропалық Одақ төңкерісті айыптады, ал Батыс Африка елдерінің экономикалық қауымдастығы (ECOWAS) хунтаға конституциялық тәртіпті қалпына келтіруді талап етті.
2023 жылдың күзінде Нигерден өз әскерін Франция шығара бастады, себебі мұны елдің жаңа билігі талап еткен болатын. Процесс желтоқсан айының соңында аяқталды.
