ECOWAS Нигердегі бүлікшілерге қарсы күш қолдануға рұқсат берді
Батыс Африка елдерінің қауымдастығы (ECOWAS) Нигерде президент Мұхаммед Базумды билікке қайтаруға бір апта уақыт береді. Содан кейін әскери шараларды қолдана алады. Бұл туралы Sarbaz.kz тілшісі РИА Новости-ға сілтеме жасап хабарлайды.
Қауымдастық бүлікшілерді Базумды босатуға, сондай-ақ конституциялық тәртіпті қалпына келтіруге шақырды.
«Егер биліктің талаптары бір апта ішінде орындалмаса, конституциялық тәртіпті қалпына келтіру үшін қажетті барлық шараларды қабылдасын. Мұндай шаралар күш қолдануды қамтуы мүмкін», - деді қоғамдастық комиссиясының басшысы Омар Алье Туре.
Бұған дейін Елисей сарайының баспасөз қызметі Нигер азаматтарына шабуыл жасалған жағдайда Франция жедел жауап беретінін мәлімдеді.
Нигер президенті Мұхаммед Базум мен оның әйелін 26 шілде күні өз әскері ұстады. 27 шілдеге қараған түні елдің Қарулы күштері елдегі барлық мемлекеттік мекемелердің жұмысын тоқтатып, коменданттық сағат енгізіп, шекараларды жауып тастады. Сонымен бірге, Нигердегі бүлікшілер биліктің физикалық тұтастығына кепілдік берді.
27 шілдеде БҰҰ Бас хатшысы Антонио Гутерриш көтерілісті тоқтатып, президент Базумды босатуға шақырды. Көтеріліс АҚШ пен Еуропалық одақта да айыпталды.
