Солтүстік Корея Сары теңіз бағытын бірнеше қанатты зымыранмен атқылады
КХДР Сары теңіз бағытында бірнеше қанатты зымыран ұшырды, деп хабарлайды Оңтүстік Кореяның Yonhap агенттігі штаб бастықтарының бірлескен комитетіне сілтеме жасап.
Атқылау 24 қаңтарда жергілікті уақыт бойынша 7:00 шамасында болған. Агенттік зымырандардың санын және олардың түрін нақтылаған жоқ.
Мониторинг пен қырағылықты нығайта отырып, біздің әскерилер Солтүстік Кореяның арандатушылықтарының жаңа белгілерін бақылау үшін Америка Құрама Штаттарымен іс-әрекетті тығыз үйлестіреді, — делінген Оңтүстік Корея әскерінің мәлімдемесінде.
Бұған дейін КХДР қанатты зымырандарды 2023 жылдың қыркүйегінде ұшырды. Бұл Сеул мен Вашингтонның 11 күндік әскери жаттығулары аяқталғаннан кейін көп ұзамай болды.
