Аустралия HIMARS-қа арналған зымырандар шығарады

Lockheed Martin Australia компаниясы HIMARS зымырандарында қолданылатын басқарылатын GMLRS зымырандарын шығаруды бастау үшін 25 миллион АҚШ доллары көлемінде келісімшарт алды, деп хабарлайды Sarbaz.kz тілшісі NikkeiAsia-ға сілтеме жасап.

Келісімшарт бойынша GMLRS зымырандарының бастапқы партиясы Аустралияда шығарылады. Келісімнен басқа, АҚШ-тан технологиялар трансферіне қолдау көрсетіледі, аустралиялық жабдықты сертификаттау процедуралары және жергілікті қызметкерлерді оқыту басталады. Аустралия зымырандарды өндіру және пайдалануды қолдау бойынша өз мүмкіндіктерін кеңейту жөнінде ауқымды жоспарды жүзеге асыруға ниетті, оның жалпы құны 2,7 миллиард АҚШ долларын құрайды. GMLRS зымырандарын шығаруды бастау – бұл бағыттағы алғашқы қадам.

Өткен жылы АҚШ пен Аустралияның қорғаныс министрлерінің бірлескен мәлімдемесінде Mk 48 торпедалары мен кемелерде қолданылатын Standard SM-2 зениттік зымырандарын пайдалану әлеуеті туралы айтылды. Болашақта Аустралия өздігінен көбірек зымырандар шығаруға ұмтылуы мүмкін. Сонымен қатар бұл ел SCIFIRE гиперсоникалық зымыран бағдарламасына қатысады. Бір жағынан, бұл қызмет Аустралия, Ұлыбритания және АҚШ (AUKUS) арасындағы стратегиялық серіктестік туралы келісімнің бөлігі болып саналады. Бірақ екінші жағынан, олар негізінен АҚШ пен Аустралия арасындағы екіжақты негізде жүзеге асырылады.

Канберра өзінің өндірістік базасын құруға, сондай-ақ АҚШ-тан зымырандардың жекелеген түрлерін-PrSM, яғни HIMARS ұшыру қондырғыларына арналған жаңа буын тактикалық зымырандарын сатып алуға ниетті.

prSM – шамамен 500 км қашықтыққа дейін ұшуға қауқарлы зымыран. Ал GMLRS 85 км қашықтықтағы HIMARS ұшыру қондырғысына арналған оқ-дәрілердің базалық түрі болып саналады. GPS бағыттаушы және екі жауынгерлік нұсқа - жоғары жарылғыш және жер үсті нысандарын жеңуге арналған балама жауынгерлік бөлім.

Естеріңізге салсақ, АҚШ қару-жарақ өндірісінде одақтастармен ынтымақтастықты көздейтін алғашқы қорғаныс-өнеркәсіптік стратегиясын қабылдады.