БҰҰ-ның Гаагадағы халықаралық сотында Оңтүстік Африка республикасының шағымы аясында Израильге байланысты іс басталды
Нетаньяху Газа секторындағы ХАМАС террористеріне қарсы операция кезінде Израиль бейбіт тұрғындарды қорғау үшін қолдан келгеннің бәрін жасап жатқанын айтты, деп хабарлайды Sarbaz.kz dw.com сайтына сілтеме жасап.
Израиль премьер-министрі Беньямин Нетаньяхудың айтуынша, Израиль Газа секторын ұзақ мерзімді басып алуға да, бейбіт тұрғындарды сол жерден шығаруға да ниеті жоқ.
Израиль Палестина халқына емес, ХАМАС террористеріне қарсы күресіп жатыр және біз мұны халықаралық құқыққа сәйкес жасап жатырмыз, - деп атап өтті Нетаньяху.
Оның айтуынша, Израиль қорғаныс Армиясы (ЦАХАЛ) Газа секторының бейбіт тұрғындарына зиянды азайту үшін қолдан келгеннің бәрін жасап жатыр, ал ХАМАС бейбіт тұрғындарды тірі қалқан ретінде пайдаланып жатыр.
Атап айтқанда, Израиль әскери күштері бейбіт тұрғындарға соғыс аймақтарынан кету қажеттілігі туралы үнемі ескертеді.
Біздің мақсатымыз - Газа секторындағы ХАМАС террористерін жою және кепілге алынған адамдарды босату. Бұған қол жеткен кезде Газа секторы демилитаризацияланып, радикалдардан босатылады", - деп қосты Израиль премьер-министрі.
