Ресей тыңшылық жасады деп күдіктеліп отыр. Белгісіз дрондар Украинаның сарбаздары жаттығатын Германияның әскери базаларында бірнеше рет байқалды. Бұл тыңшылық жасалғаны туралы алаңдаушылық туғызып отыр, деп Sarbaz.kz тілшісі Bild басылымына сілтеме жасап хабарлайды.
2023 жылдың тамызындағы жағдай бойынша Германияда кем дегенде 6000 украиналық сарбаз дайындықтан өтті және жыл соңына дейін 10 000-ға жеткізу жоспарланған болатын.
Бағдарламаларға жалпы жауынгерлік дайындық, сондай-ақ «Patriot» әуе қорғанысы жүйелері және АҚШ ұсынған Абрамс танктері сияқты заманауи жабдықты пайдалануға үйрету кірді.
Германия парламентінің мүшесі Маркус Фабер осы жағдай туралы:
«Дрондар Клиц әскери полигонында үнемі байқалады, онда Бундесвер (неміс қарулы күштері) украиналықтарды жаттықтырады», – деп мәлімдеді.
Маркус Фабер дрондардың артында Ресей тұр деп күдіктенетінін айтты, бірақ бұл пікірді растайтын нақты дәлелдер жоқ, өйткені бірде-бір дрон қолға түспеген.
Өзге заң шығарушылар Үкіметтің әрекетсіздігіне алаңдаушылық білдірді, өйткені Германияның әскери қолбасшысы бұл мәселені 2022 жылдың қазан айында жариялаған.
«Біз Ресейге әскери полигондарды дрондармен барлауына мүмкіндік бермеуіміз керек», — деді Бундестаг депутаты Андреас Шварц.
Фабер Бундесвердің «дрондарға қатысты мәселені шешу» керек және оларға кедергі жасау үшін заманауи жабдық қажет екенін айтты.
