Қазір роботтың сериялық өндірісі дайындалып жатыр
D-21-11 роботының алғашқы данасы әскерилердің оң бағасын алып, даладағы сынақтардан өтті, деп хабарлайды Sarbaz.kz dialog.ua сайтына сілтеме жасап.
Украинада D-21-11 роботының алғашқы үлгісі сынақтан өтті. Ол соғыс алаңында барлау жасап, шабуылдай да, қорғана да алады.
Сондай-ақ роботты оқ-дәрілерді немесе жауынгерлерді майдан шебіне қауіпсіз жеткізу үшін пайдалануға болады. Машина қазірдің өзінде әскерилердің оң бағасын алды.
D-21-11 алынбалы жауынгерлік бөлімі бар, енді әзірлеушілер оған НАТО үлгісіндегі қаруды орнатуды жоспарлап отыр. Сондай-ақ бұл робот жаудың электронды күрес құралдарына төзімді екені айтылды.
Машинаны Украинаның Қарулы күштеріне жоғары технологиялық өнімдер жасаумен айналысатын Brave1 әзірлеушілер тобы жасап шығарды. Жақында D-21-11 роботының сериялық өндірісі басталмақ.
