Бұл бұйрық КХДР-дың арандатуы туралы ақпарат аясында берілді
Оңтүстік Корея билігі елдің батыс шекарасындағы Ёнпхёндо аралындағы бейбіт тұрғындарды эвакуациялауды бұйырды, деп хабарлайды Sarbaz.kz тілшісі Yonhap-қа сілтеме жасап.
Жергілікті округ басқармасының мәліметі бойынша, төтенше эвакуация туралы бұйрық Оңтүстік Корея әскерінің өтініші бойынша жұма күні жергілікті сағат 12:02-де және 12:30-да берілді.
«Біз Ёнпхёндо аралына теңіз соққысы туралы әскери бөлімнен қоңырау түскеннен кейін эвакуация туралы хабарладық. Эвакуация Солтүстік Кореяның арандатуына байланысты жағдай туындағандықтан болып отыр», - деді жергілікті шенеунік.
Ёнпхёндо – Сары теңіздегі Оңтүстік Корея аралдарының тобы. Олардың ішіндегі ең үлкені – Үлкен Ёнпхёндо. Оның ауданы – 7,01 шаршы шақырым, тұрғындар саны – 1300.
