Алайда әскери әрекеттер 2024 жылы да жалғасады деп күтіліп отыр
Израиль қақтығыстың жаңа кезеңіне дайындық кезінде осы аптада Газа секторынан мыңдаған сарбазын шығара бастайды, деп хабарлайды Sarbaz.kz CNN сайтына сілтеме жасап.
Израиль қорғаныс армиясының мәлімдемесі әскерилер Газа секторының орталық және оңтүстік бөлігіндегі операцияларды кеңейтіп жатқанын айтқаннан кейін пайда болды.
АҚШ-тың әскери басшысының айтуынша, бұл қадам елдің біртіндеп соғыс қарқындылығын азайтуға бағытталған.
551-ші және 14-ші резервтік бригадалар осы аптада отбасыларына және азаматтық өміріне оралады.
ЦАХАЛ мәліметінше, бөлім командирлерін даярлайтын 828-ші бригада; армия офицерлерін дайындайтын 261-ші бригада және бронды корпустарды дайындаумен айналысатын 460-шы бригада жоспарлы жаттығуларға оралады.
Мәлімдемеде бұл қадам «экономикалық ауыртпалықты айтарлықтай жеңілдетеді» және «әскер алдағы іс-қимылдарға күш жинап, дайындалады» делінген.
