КХДР көшбасшысы ядролық қарумен қорқытуды да ұмытқан жоқ
КХДР көшбасшысы Ким Чен Ын бұдан былай Оңтүстік Кореямен бірігу мүмкін емес деп санайтынын айтты, деп хабарлайды Sarbaz.kz dw.com сайтына сілтеме жасап.
Оның айтуынша, Сеул бір халықты екінші халық сіңіру арқылы бірігуді қалайды және біркелкі жүйе орнатқысы келеді. Ал Ким Чен Ын Корей түбегін "бір халық, бір мемлекет, екі жүйе" қағидаты негізінде біріктіргісі келеді.
Сондай-ақ Солтүстік Корея басшысының айтуынша, КХДР қарулы күштері төтенше жағдай болатын болса, Корея Республикасының бүкіл аумағын, соның ішінде ядролық қарудың көмегімен "тыныштандыруға" дайын.
Пхеньян Оңтүстік Кореяны ядролық қарумен әрдайым қорқытып келеді. Бұған дейін Ким Чен Ын Солтүстік Корея ядролық қаруды кез келген уақытта, кез келген жерде қолдануға дайын екенін айтқан еді.
2023 жылдың басында Оңтүстік Корея "болашақты біріктірудің жаңа бастамасы" жоспары аясында КХДР-мен бірігуге дайын екендігі туралы хабарланды. Нақтырақ айтсақ, бұл үшін Сеул Пхеньянмен тікелей және жанама байланыстарды қолданады.
Сонымен қатар Президент Юн Сок Ель әкімшілігінің "батыл бастамасын" қолдап, оңтүстік кореялықтар арасында бірлестіктің дұрыс векторын құру жоспарланған.
