Екі қалада да адам шығыны бар
Белгородты атқылаудан кейін қаза тапқандар саны 20 адамға дейін жетті, деп хабарлайды Sarbaz.kz bbc.com сайтына сілтеме жасап.
"Нақтыланған ақпаратқа сәйкес, Белгородта қаза тапқандар саны 20 адамға дейін өсті", - делінген хабарламада.
Бұған дейін Белгород облысының губернаторы Вячеслав Гладков қалаға ұшырылған зымыран соққысынан 14 адам қайтыс болғанын және олардың арасында 3 бала болғанын айтқан еді. Оның айтуынша, 108 адам жарақат алды, оның ішінде 15 бала. Сондай-ақ 5 бала мен 12 ересек адамның жағдайы ауыр.
Желіде тараған видеолардан бірнеше секундтық айырмашылықтары бар екі қатты жарылысты және олармен қатар болған көптеген кішігірім жарылыстарды естіге болады. Қирау кадрларының көп бөлігі қала орталығындағы "Белгород" әмбебап дүкенінің көп қабатты ғимаратының жанындағы жағдайды көрсетеді.
Осыдан кейін Ресей жауап ретінде Украинаның Харьков қаласын атқылады. Қазір зардап шеккендердің саны 26-ға дейін жетті.
Харьковтың орталығын ресейлік "шахед" дрондары да бірнеше шабуылдады, деп хабарлады қала мэрі Игорь Терехов.
Полицияның мәліметінше, дрондардың бірі тұрғын үйге, екіншісі әлеуметтік инфрақұрылым ғимаратына тиген.
