Тасымалдаушы тобының қатарында USS Princeton зымыран крейсері, USS Hopper, USS Kidd, USS Sterett және USS William P. Lawrence эсминецтері бар
АҚШ-тың Әскери-теңіз күштері мәлім еткендей, USS Carl Vinson атом тасымалдаушысы бастаған американдық тасымалдаушы тобы Оңтүстік Қытай теңізіне патрульдеу үшін кірді, деп хабарлайды Sarbaz.kz тілшісі.
«Оңтүстік Қытай теңізінде болған кезде тасымалдаушы топ теңізде қауіпсіздік операцияларын жүргізеді. Оған ұшақтар мен тікұшақтардың ұшуы, теңізге соққы беру жаттығулары, жер үсті және әуе бөлімшелері арасындағы үйлестірілген тактикалық жаттығулар кіреді», - делінген хабарламада.
Тасымалдаушы тобының қатарында USS Princeton зымыран крейсері, USS Hopper, USS Kidd, USS Sterett және USS William P. Lawrence эсминецтері бар.
Вашингтонның айтуынша, американдық әскери кемелердің Оңтүстік Қытай теңізіне кіруі аймақтағы халықаралық құқық пен кеме бостандығын қамтамасыз етуге бағытталған.
Америкалық әрекеттер Қытаймен шиеленісті тудырады. Бейжің бірнеше АСЕАН елдерімен ондаған жылдар бойы Оңтүстік Қытай теңізіндегі бірқатар аралдар мен оның айналасындағы қайраңның аумақтық байланысы туралы дау туындатып келеді. Яғни жанында маңызды кеме маршруттары бар Сиша архипелагы (Парасель аралдары) және Наньша аралдары (Спратли) аймағында Қытайдан басқа Вьетнам, Филиппин, Малайзия, Тайвань (ҚХР) және Брунейдің де үлесі бар.
Соңғы жылдары Бейжің өзінің заңды құқықтарына сүйене отырып, осы ауданға өзінің әскери-теңіз күштерін кіргізіп, аралдарды игере бастаған кезде жағдай ушығып кетті.
